35 млн теңге жымқырған: Атырауда «ҚазАвтоЖол» еншілес компаниясының бас есепшісі сотталды

​Бас есепшінің заңсыз төлемдер есептеп, «ҚАЖсервис» ЖШС филиалының қаражатын өзінің жеке банктік шотына аударып отырғаны анықталды.

​«Сот оны кінәлі деп танып, бес жылға бас бостандығынан айыру жазасын тағайындады. Сондай-ақ ол бес жыл мерзімге материалдық жауапкершілікке байланысты қызметпен айналысу құқығынан айырылды», — деп хабарлады Бас көлік прокуратурасы.


 

​«ҚАЖсервис» ЖШС-нің материалдық залалды өндіріп алу туралы талап-арызы толық көлемде қанағаттандырылды. Үкім заңды күшіне енген жоқ.

Дереккөз:Informburokz