Суданда алтын кенішінің опырылуынан кемінде 60 адам қаза тапты
Қайғылы оқиға Эн-Нухуд қаласының солтүстік-батысындағы Фуджа ауданында болған. Мұнда бір-біріне жақын орналасқан бірнеше шахта опырылған.
Кеншілердің біреуі жер бетіне шығып үлгерген. Ол жер астында әлі де тірі адамдар болуы мүмкін екенін айтқан.
Кеніш Жедел әрекет ету күштері (RSF) бақылауындағы аумақта орналасқан. Жергілікті тұрғындар кеншілерді құтқаруға және қаза тапқандардың денелерін шығаруға өз қолдарындағы құралдармен әрекет жасап жатыр. Алайда құтқару жұмыстарына тұрақсыз құмды топырақ кедергі келтіруде.
Reuters агенттігінің дереккөздері қаза тапқандар санының көп болуын қауіпсіздік шаралары мен қажетті құтқару жабдықтарының болмауымен байланыстырған.
Судан Африкадағы алтын өндіретін ірі елдердің қатарына жатады. Бағалы металдың басым бөлігі қауіпті жағдайда шағын көлемде өндіріледі. Өндірілген алтынның едәуір бөлігі елден заңсыз әкетіледі.
ақпарат көзі:24KZ-Жаңалықтар